10, డిసెంబర్ 2020, గురువారం

సంచయన నిధి (Reserve Fund)

 

4.సంచయన నిధి (Reserve Fund)

నిల్వ(hoard) రూపంలో ఉండే అదనపువిలువ గురించి చర్చించాం. అది డబ్బు సంచయనానికి నిధి (fund). పెట్టుబడి సంచయనం తాత్కాలికంగా తీసుకునే డబ్బు రూపం.  ఆ మేరకు సంచయనానికి అది తప్పనిసరి. అయినా గాని, ఈ సంచయన నిధి (Reserve Fund) తన అధీనంలో ఉండే, కొన్ని ప్రత్యేక, పనులు చెయ్యగలదు. అంటే పెట్టుబడి పునరుత్పత్తి  లేకుండానేపెట్టుబడి వలయాల చలనంలో చేరగలదు. ఈ ప్రక్రియ ఈసందర్భంలో  ఉ .పె ఉ .పెరూపం పొందదు. కాబట్టి అదనపువిలువ ఏర్పడదు; పెట్టుబడి పునరుత్పత్తి అవదు. అంటే  పెట్టుబడి పునరుత్పత్తి  లేకుండానే, పెట్టుబడి వలయాల్లో చేరగలదు; చలనంలో ఉండగలదు.

నిల్వ డబ్బు పెట్టుబడిగా పనిచెయ్యడం

’ - ప్రక్రియ మామూలు కంటే ఎక్కువ సమయం తీసుకుంటే, సరుకు పెట్టుబడి డబ్బు అవడం అతీతంగా ఆలస్యం అయితే, సంచయననిధి  డబ్బు పెట్టుబడిగా ఉపయోగపడగలదు. లేక,

సరుకు డబ్బులో మారాక, ఉత్పత్తి సాధనాల ధర  వలయం మొదలైనప్పటి కంటే పెరిగితే, సంచయన నిధిగా పనిచేస్తున్ననిల్వ డబ్బు పెట్టుబడిగా  పనిచేయగలదు.  ఆ విధంగా డబ్బు సంచయన నిధి వలయంలో ఏర్పడే ఒడిదుడుకుల్ని తట్టుకునేందుకు ఉపకరిస్తుంది. 

అటువంటి సంచయననిధిగా, అది  ఉ .పె ఉ .పె వలయంలో చర్చించిన కొనుగోలు, చెల్లింపు మాధ్యమాలకు భిన్నమైనది. అదీ ఇవీ ఒకటి కాదు. ఈ మాధ్యమాలు చర్యచేసే డబ్బు పెట్టుబడిలో భాగంగా ఉంటాయి. ఆ కారణంగా పెట్టుబడి విలువలో కొంతభాగం యొక్క మనుగడ రూపాలు ప్రక్రియగుండా నడుస్తుంటాయి.దాని భాగాలు వరసగా వేర్వేరు కాలాల్లో మాత్రమే చర్యకు పూనుకుంటాయి. నిరంతర ఉత్పత్తి ప్రక్రియలో నిధి ఎల్లప్పుడూ ఏర్పడుతూనే ఉంటుంది. ఎందువల్లనంటే, ఒకరోజుడబ్బువచ్చినా, ఆరోజు కారోజు ఇవ్వాల్సినదేమీ లేక పొవచ్చు. మరొకరోజూ మరిన్నిసరుకులు అమ్ముడయినా, అప్పటికప్పుడు కొనాల్సినవి మరిన్నిలేకపొవచ్చు. తర్వాతెప్పుడో కొనాల్సి ఉంటుంది. ఈ మధ్య కాలాల్లో చలామణీ పెట్టుబడి డబ్బురూపంలో ఉంటుంది. మరొకపక్క, సంచయన నిధి అనేది అప్పటికే తన చర్య చేస్తున్న పెట్టుబడిలోభాగంకాదు. మరీ కచ్చితంగా చెప్పాలంటే డబ్బుపెట్టుబడిగా చర్య చేస్తున్న పెట్టుబడిలోభాగంకాదు. అది సంచయనపు తొలిదశలో ఉన్నపెట్టుబడిలోభాగం. ఇంకా క్రియాశీల పెట్టుబడిలోకిమారని అదనపువిలువలోభాగం.

మిగతా విషయాలు

ఇక మిగతా విషయాల్ని ప్రత్యేకంగా వివరించాల్సిన పవసరమేమీ లేదు. ఎందుకంటే: డబ్బుఇబ్బందుల్లో పడ్డ పెట్టుబడిదారుడు, తన చేతిలోఉన్నడబ్బు ప్రత్యేక విధుల గురించి పట్టించుకోడు. తన పెట్టుబడిని చలామణీలోఉంచడానికి, తన దగ్గర ఏ డబ్బు ఉంటే ఆడబ్బుని ఉపయోగిస్తాడు. ఇందుకు మన ఉదాహరణనే చూద్దాం. అందులో డ రూ.11,000 రూ. 12,000.పెట్టుబడి రూ.11,000 లలో కొంత భాగం చెల్లింపుకోసం, కొనుగోలుకోసం నిధిగా ఉంటే, ఇతర పరిస్థితులు స్థిరంగా ఉన్నప్పుడుఅది మొత్తం వలయంలో ప్రవేశించడానికి ఉద్దేశించబడినదే. పైగా ఆ మొత్తం అందుకు సరిపోయేటంత అయి ఉండాలి. అయితే సంచయన నిధి అదనపువిలువరూ.1000 లో కొంత భాగం మాత్రమే. ఈ వలయం ఏమేరకి పరిస్థితులు మారితే  ఆమేరకు మాత్రమే రూ.11,000 పెట్టుబడి చక్రీయ చలనంలో చేరగలదు. కారణం: అది సంచయన నిధిలోఒక భాగమై ఉండడం. పునరుత్పత్తి స్థాయిని ఏమాత్రం  విస్తరించకుండానే తన చర్య తానుచేస్తోంది. డబ్బు సంచయన నిధి, గుప్తడబ్బుపెట్టుబడి ఉనికిని, అందువల్ల డబ్బుని డబ్బుపెట్టుబడిలోకి పరివర్తనని ఇముడ్చుకొని ఉంటుంది.

ఉ.పె వలయపు సాధారణ ఫార్ములా

ఈ ఫార్ములా సామాన్య పునరుత్పత్తినీ, అంతకంతకూ విస్తరించే పునరుత్పత్తినీ కలుపుతుంది: 

                                                  

 

మొదటి ఉ.పె చివరి ఉ.పె కి సమానమయితే, అప్పుడు 2 లోని డ డ ‘-మైనస్ డ కి సమానమవుతుంది.  అలాకాక ఉ.పె గనక ఉ.పెకి సమానమయితే, అప్పుడు 2 లోని డ

  ‘-మైనస్ డ కంటే పెద్దదవుతుంది. అంటే, డబ్బు  పూర్తిగానో లేక పాక్షికంగానో డబ్బు పెట్టుబడిలోకి మారిందని అర్ధం. 

సాంప్రదాయ అర్థశాస్త్రం  పారిశ్రామిక పెట్టుబడి చక్రీయ చలనాన్ని పరిశీలించింది ఉత్పాదక  పెట్టుబడి వలయం రూపాన్నే. 

4, డిసెంబర్ 2020, శుక్రవారం

నిరుత్సాహ పరిచిన అమెరికా నవంబర్ ప్రైవేట్ ఉద్యోగ నివేదిక

 

నిరుత్సాహ పరిచిన అమెరికా నవంబర్ ప్రైవేట్ ఉద్యోగ నివేదిక

ADP National Employment Report ప్రకారం అమెరికా వ్యవసాయేతర ప్రైవేట్ రంగంలో  నవంబర్ లలో 3,07,000 ఉద్యోగాలు పెరిగాయి. Dow Jones ఆర్ధిక వేత్తలు 4,75,000 వస్తాయిని అంచనా వేశారు. ఆ అంచనాలని వాస్తవాలు అందుకోలేక పోయాయి. అక్టోబర్ నెలలో వచ్చిన 4,04,000  కంటే ఇవి దాదాపు లక్ష తక్కువ. 2,16,000 వచ్చిన జులై తర్వాత ఇదే అతి తక్కువ. 

కంపెనీల సైజుని బట్టి వచ్చిన ఉద్యోగాలు:

50 మంది లోపు పనివాళ్ళున్న చిన్న సంస్థల్లో -   1,10,000

50-500 మధ్య ఉన్న మధ్య తరగతి సంస్థల్లో  -     1,39,000

500- మందికి మించి ఉన్న పెద్దసంస్థల్లో -              58,000

మధ్య స్థాయి సంస్థలు ఎక్కువ ఉద్యోగాలు కల్పించాయి.

సర్విస్ రంగంలో అత్యధికంగా 2,76,000 వచ్చాయి. వస్తూత్పత్తి రంగం కల్పించింది 31,000 మాత్రమే.

పోయిన ఉద్యోగాలూ - వచ్చిన ఉద్యోగాలూ

మార్చ్  ఏప్రిల్ నెలల్లో కోటి 97 లక్షలా 11 వేల ఉద్యోగాలు (1,97,11,000) పోయాయి. అక్కడ నించీ వరసగా7 నెలలు వచ్చాయి:

 మే -       33,41,000

జూన్ -      44,85,000

జులై        -  2,16,000

ఆగస్ట్       - 4,82,000

సెప్టెంబర్ -   7,54,000

అక్టోబర్ -    4,04,000

నవంబర్ – 3,07,000

వచ్చిన ఉద్యోగాలు మొత్తం - 99,89,000

 మార్చ్,  ఏప్రిల్ నెలల్లో  పోయినవి మొత్తం -   1,97,11,000

తర్వాతి 7 నెలల్లో వచ్చిన మొత్తం                  99,89,000

కొరవ రావలసినవి-                                  -     97,22,000

పోయిన వాటిలో ఇప్పటికి వచ్చింది సగానికి కొంచెం ఎక్కువ అంతే. దగ్గరదగ్గర ఒకకోటి ఉద్యోగాలురావాల్సిఉంది. ఈలెక్కన రికవరీకి చాలా సమయం పడుతుంది. అందుకనే ఆ ADP సంస్థ రికవరీ నెమ్మదిగా ఉన్నట్లు తేల్చింది. ఇది కార్మికులకు ఎంతో నిరుత్సాహం కలిగించే నివేదిక.

  రాబోయే BLS వ్యవసాయేతర ఉద్యోగ నివేదిక,   నవంబర్ లో 4,40,000 ఉద్యోగాలు వచ్చినట్లు చూపబోతున్నదని ఆర్ధికవేత్తల అంచనా. వివరాలు అందులో చూద్దాం


3, డిసెంబర్ 2020, గురువారం

విభాగం 3 డబ్బు సంచయనం

 

అధ్యాయం 2  ఉత్పాదక పెట్టుబడి వలయం

                        విభాగం 3  డబ్బు సంచయనం

పెట్టుబడిదారుడు ఉత్పత్తి స్థాయిని పెంచాలంటే, కొంత అదనపు పెట్టుబడి అవసరం. అది కొంత పరిమాణంలో ఉండాలి. లేకపోతే పెంచడం కుదరదు. అంత మొత్తం  అయ్యేదాకా కూడబెట్టాలి. నిల్వ చెయ్యాలి. 

నిల్వ

 చలామణీలో లేని డబ్బు రూపమే నిల్వరూపం. చలామణీకి అంతరాయం కలిగినందువల్ల నిల్వ ఏర్పడుతుంది.

అయితే ఇక్కడ నిల్వ అలాంటిది కాదు. అంటే, పెట్టుబడి చలనం ఆగినందువల్ల ఏర్పడింది కాదు. పెట్టుబడిగా చర్య జరపడానికి శక్తి చాలనందువల్ల ఏర్పడింది. అతను చేస్తున్న ఉత్పత్తిని పెంచాలంటే అందుకు మరికొన్ని ఉత్పత్తి సాధనాలు కొనాలి. అలాగే మరికొందరు శ్రామికుల్ని పెట్టుకోవాలి. అందుకు కొంత అదనపు పెట్టుబడి కావాలి.

చేస్తున్నది కాక మరొకటి చెయ్యాలన్నాదానికి కావలసిన ఉత్పత్తిసాధనాలకీ కార్మికులకీ, వేరే పెట్టుబడి కావాలి. రెండు సందర్భాలలోనూ పెట్టాల్సిన పెట్టుబడికి కనీస పరిమితి ఉంటుంది. అంత అయ్యేదాకా అదనపు విలువని కూడబెడితే గాని ఉత్పత్తిని పెంచలేడు.

ఉదాహరణకి, ఒక నూలు ఉత్పత్తిచేసే పెట్టుబడిదారుడు కుదుళ్ళసంఖ్య పెంచాలంటే, దానికి తగినన్ని పత్తి ఏకే పరికరాల్నీ, పురిపెట్టే చట్రాల్నీపెంచాలి. అంతేకాదు. అవసరమైన పత్తి కొనడానికీ, కార్మికుల వేతనాలకీ మరింత ఖర్చు చెయ్యాలి. లేకుంటే ఉత్పత్తిని పెంచడం సాధ్యం అవదు. అంత మొత్తం ఒక వలయంలో వస్తే సరే.  రాకపోతే, అంత మొత్తం చేకూరే  వరకూ, అదనపు విలువని పోగుచెయ్యాలి. అంతవరకూ పెట్టుబడి వలయాలు మళ్ళీ మళ్ళీ జరుగుతూ ఉండాల్సిందే.

నిల్వగా పోగుబడడం

ఈ పోగుబడడం అనేది అదనపువిలువ సొంత చర్య కాదు. .పె   .పె పలుమార్లు జరిగిన దాని ఫలితం. అదనపు విలువ పనేమిటంటే: ఒక పరిమాణాన్ని చేరుకునేదాకా, డబ్బుగా ఉండడమే, డబ్బు రూపానికి అంటిపెట్టుకొని పడి ఉండడమే. ఆ సమయంలో అది పెరుగుతున్ననిల్వగా ఉంటుంది. అది పెట్టుబడి చర్య చెయ్యదు. అదనపు విలువని సృజించేప్రక్రియలోపాల్గొనదు. కేవలం డబ్బు మాత్రమే ఉంటుంది. అయినా అది పెరుగుతూ ఉంటుంది. కారణం వచ్చిన దాన్ని వచ్చినట్లు గల్లాపెట్లో పడేయడమే. ఉన్నదానికి దాన్ని కలపడమే.

నిల్వ  ప్రక్రియ

 సరుకు ఉత్పత్తి అంతటా  మామూలుగా ఉండేదే. అభివృద్ధిచెందని, పెట్టుబడిదారీపూర్వ ఉత్పత్తిరూపాల్లో దానికదే పరమావధిగా ఉండేది. అయితే ప్రస్తుత సందర్భంలో, నిల్వ అనేది డబ్బు పెట్టుబడి రూపాల్లో ఒకటిగా అగపడుతుంది. నిల్వఏర్పడడం పెట్టుబడి సంచయనాన్ని తాత్కాలికంగా అనుసరించే ప్రక్రియగా కనిపిస్తుంది. ఎందుకంటే, ఇక్కడ  డబ్బు గుప్త పెట్టుబడిగా ఉంటుంది; నిల్వ ఏర్పడడం, అదనపు విలువ నిల్వ స్థితిలో ఉండడం నిజంగా పనిచేసే  పెట్టుబడిగా అవడంకోసం.   చర్య అంతా వలయం బయట జరుగుతుంది. నిర్వచనం ప్రకారం అది గుప్త డబ్బుపెట్టుబడి.

అది ఉత్పత్తి ప్రక్రియలో పాల్గొనే ముందు ఎంత పరిమాణానికి  చేరాలి? అనేది ప్రతి సందర్భంలోనూ ఉత్పాదక పెట్టుబడి యొక్క విలువ అంతర్నర్మాణం చేత నిర్ణయమవుతుంది. అయితే నిల్వ స్థితిలో ఉన్నంత వరకూ, అది డబ్బు పెట్టుబడి చర్యలు చెయ్య జాలదు. అయినా  అది పనిచెయ్యని డబ్బు పెట్టుబడి. అంతేగాని ఇంతకు ముందులాగా అంతరాయం ఏర్పడ్డ డబ్బు పెట్టుబడి కాదు. పనిచేసేందుకు ఇంకా శక్తిలేని  డబ్బు పెట్టుబడి.

నిల్వ నిధి ఇతరరూపాలు

డబ్బుసంచయనాన్ని దాని మూల రూపంలో, వాస్తవ నిల్వ నిధి రూపంలో చర్చిస్తున్నాం. అయితే అది బాకీల రూపంలోనూ ఉండవచ్చు. ను అమ్మిన పెట్టుబడిదార్లకు కొన్నవాళ్ళు చెల్లించాల్సిన బాకీ రూపంలో అన్నమాట.

ఈ గుప్త పెట్టుబడి, ఈలోగా, డబ్బుని పుట్టించే డబ్బుగా, అంటే, వడ్డీని  తెచ్చే బాంక్ డిపాజిట్లుగా, ఎక్స్చేంజ్ బిల్లులుగా, రకరకాల సెక్యూరిటీలుగా ఉండవచ్చు. వీటితో ఇక్కడ నిమిత్తం లేదు.

ప్రత్యేక పెట్టుబడి చర్యలు

అలాంటి సందర్భాల్లో డబ్బు రూపం పొందిన అదనపు విలువ వలయం బయట ప్రత్యేక పెట్టుబడి చర్యలు చేస్తుంది:

1. మొదటివిషయం ఆ చర్యలకు పారిశ్రామికపెట్టుబడి ప్రారంభించిన వలయంతో ఏమాత్రం సంబంధం ఉండదు

2. రెండో విషయం: అయితే పారిశ్రామిక పెట్టుబడి చర్యలకు భిన్నమైన పెట్టుబడి చర్యల్ని ముందుగా ఊహిస్తుంది. వాటిని ఇప్పటికింకా ఇక్కడ అభివృద్ధి పరచలేదు.

వచ్చే పోస్ట్: రిజర్వ్ ఫండ్