అధ్యాయం 22
వేతనాల్లో జాతీయ వ్యత్యాసాలు
వేతనాలు
అన్నిదేశాల్లో ఒకే పరిమాణంలో ఉండవు. దేశానికీ దేశానికీ వ్యత్యాసం ఉంటుంది. శ్రమశక్తి విలువని నిర్ణయించే అంశాల్లో
ఉండే తేడాలే ఇందుకు కారణం. భిన్నదేశాల వేతనాల్ని పోల్చేటప్పుడు శ్రమశక్తి విలువ మొత్తంలో మార్పుల్ని నిర్ణయించే అన్ని అంశాల్నీ పరిగణనలోకి తీసుకోవాలి. ఆ అంశాలు:
1.
జీవితావసరాల ధరా, విస్తృతీ.
2.శ్రామికుల శిక్షణ కయ్యే ఖర్చు
3.స్త్రీల శ్రమ, పిల్లల శ్రమ పోషించే పాత్ర
4.శ్రమ ఉత్పాదకత
5. శ్రమ తీవ్రత
ఏదో పైపైన పోల్చాలన్నా, వేర్వేరు దేశాల్లో, ఒకేరకం వృత్తుల్లో సగటు దిన వేతనాన్ని ముందుగా ఒకేరకమైన పనిదినంగా కుదించడం తప్పనిసరి.అలా దిన వేతనాల్ని ఒకేరకానికి కుదించిన తర్వాత, కాలం వేతనాన్ని శాల్తీ వేతానాల్లోకి మార్చాలి. ఎందుకంటే, శ్రమ ఉత్పాదకతకీ, శ్రమ తీవ్రతకీ రెండింటికీ శాల్తీ వేతనం మాత్రమే కొలమానంగా ఉండగలదు.
శ్రమ తీవ్రతా, శ్రమ ఉత్పాదకతా
ఏ దేశంలోనైనా సగటు శ్రమతీవ్రత ఎంతోకొంత ఉంటుంది. అంతకు తగ్గితే ఒకసరుకు ఉత్పత్తికి అవసరమైన శ్రమకాలం కన్నా ఎక్కువ కాలం పడుతుంది. అందువల్ల, అది మామూలు నాణ్యత ఉన్న శ్రమగా పరిగణించబడదు. వేర్వేరు దేశాలు. సగటు శ్రమతీవ్రత అన్ని దేశాల్లో ఒకటిగా ఉండదు. డేశానికీ దేశానికీ తేడా ఉంటుంది. ఒకదేశంలో ఎక్కువ, మరొకదేశంలో తక్కువ ఉంటుంది. ఈ దేశాల సగటులు ఒక కొలమానాన్ని ఏర్పరుస్తాయి.ఆ కొలమానం ప్రమాణం(unit of measure
) ప్రపంచ శ్రమ యొక్క సగటు ప్రమాణం.అందువల్ల ఎక్కువ తీవ్రత గల దేశశ్రమ, తక్కువ తీవ్రత గల దేశశ్రమతో పోలిస్తే, అది అదే కాలంలో ఎక్కువ విలువని ఉత్పత్తిచేస్తుంది. ఆవిలువ ఎక్కువ డబ్బులో వ్యక్తమవుతుంది.
అంతర్జాతీయ విలువలు
అయితే విలువ
నియమం అంతర్జాతీయస్థాయిలో
వర్తించే టప్పుడు
మరికొంత మారుతుంది.
ఎందువల్లంటే, ప్రపంచ
మార్కెట్లో ఎక్కువ
ఉత్పాదకత ఉన్న
దేశశ్రమ ఎక్కువ
తీవ్రత ఉన్న
శ్రమగా కూడా
లెక్కకొస్తుంది - పోటీ
మూలంగా ఆదేశపు
సరుకుల
ధరని వాటి
విలువ స్థాయికి
తగ్గించనంతవరకూ మాత్రమే.
ఒక దేశంలో
పెట్టుబడిదారీ ఉత్పత్తి
అభివృద్ధయిన నిష్పత్తిలోనే,
ఆదేశ జాతీయ
శ్రమ తీవ్రతా,
శ్రమ ఉత్పాదకతా
అంతర్జాతీయ స్థాయిని
మించి పెరుగుతాయి.
వేర్వేరు దేశాల్లో
ఒకే కాలంలో
ఉత్పత్తయిన ఒకేరకమైన
సరుకులు భిన్నమైన
అంతర్జాతీయ విలువలు
కలిగి ఉంటాయి.
ఆవిలువలు వేర్వేరు ధరల్లో - అంటే, అసమానమైన అంతర్జాతీయ విలువల్ని బట్టి మారే డబ్బు మొత్తాల్లో -వ్యక్తమవుతాయి.
అందువల్ల, డబ్బు
యొక్క సాపేక్ష
విలువ పెట్టుబడిదారీ
ఉత్పత్తి విధానం
ఎక్కువ అభివృద్ధి
చెందిన దేశంలో
కంటే, తక్కువ
అభివృద్ధి చెందిన
దేశంలో కంటే
తక్కువ ఉంటుంది.
దీన్నిబట్టి, నామక
వేతనం - డబ్బులో
వ్యక్తమయ్యే శ్రమ
శక్తి సమానకం
- కూడా రెండో
డేశంలో కంటే
మొదటి దేశంలోనే
ఎక్కువ ఉంటుంది.
అయితే, ఇది
నిజ వేతనానికి
- శ్రామికుడి అందుబాటులో
ఉన్న జీవనాధార
సాధనాలకి - కూడా
వర్తిస్తుందని రుజువు
అయినట్లు కానేకాదు.
నామక వేతనాలూ- నిజ వేతనాలూ
నామకపు
వేతనాలకీ నిజ
వేతనాలకీ తేడా ఉంటుంది.
కార్మికుడు పెట్టుబడిదారుడికి
అమ్మే శ్రమశక్తికి గాను పొందే డబ్బు
నామక వేతనం. ఆ డబ్బుతో అతను కొనగల వస్తువుల
మొత్తం నిజ వేతనం. నిజమైన వేతనం స్థాయి నామక
వేతనం పరిమాణం మీదా, శ్రామికుని జీవితావసరవస్తువుల ధరలమీదా
ఆధారపడుతుంది. నామక వేతనం మారకుండా
ఉన్నప్పటికీ , జీవితావసర వస్తువుల ధరలు పెరిగితే నిజమైన
వేతనాలు తగ్గుతాయి. వాస్తవంలో నామకపు వేతనాలు పెరిగినప్పటికీ, జీవితావసర వస్తువుల ధరలు పెరిగితే, నిజమైన
వేతనాలు పడిపోతాయి.
పెట్టుబడిదారీ అభివృద్ధీ- వేతన వ్యత్యాసాలూ
భిన్న దేశాల్లో డబ్బు విలువలో ఉండే సాపేక్ష వ్యత్యాసాలు ఎలావున్నా, ఒక విషయం తరచుగా తెలుస్తుంది: వేతనం పెట్టుబడిదారీ ఉత్పత్తి విధానం ఎక్కువ అభివృద్ధి చెందిన దేశంలో తక్కువ అభివృద్ధి చెందిన దేశంలో కంటే ఎక్కువ వుంటుంది; కాగా, సాపేక్ష శ్రమ ధర - అంటే, అదనపు విలువతోనూ, ఉత్పాదితం విలువతోనూ పోల్చిన శ్రమధర - మొదటి దేశంలో కంటే రెండో దేశంలో ఎక్కువ ఉంటుంది.
స్మిత్ కి వ్యతిరేకంగా చేసిన వాదనలో జేంస్ ఆండర్ సన్ ఇలా అన్నాడు:నేలనించి వచ్చే ఉత్పత్తుల ధర, ప్రత్యేకించి ధాన్యం ధర చౌకగా ఉండే పేద దేశాల్లో శ్రమధర సాధారణంగా తక్కువగా ఉన్నట్లు పైకి కనిపించేఉంటుంది.కాని వాస్తవానికి శ్రమధర చాలావరకూ రెండో దేశాల్లో కంటే మొదటి దేశంలోనే ఎక్కువ ఉంటాయి.ఎందుకంటే, నిజమైన శ్రమ ధర అనేది రోజుకి శ్రామికునికి ఇచ్చే వేతనం కాదు - వేతనం పైకి కనిపించె శ్రమ ధర రూపం అయినప్పటికీ. నిజమైన ధర అంటే, వాస్తవంగా చేసిన కొంత పరిమాణం గల శ్రమకి యజమానికి ఎంత ఖర్చయిందో అంత. అదే నిజమైన ధర. ఈ దృష్టితో చూస్తే, ప్రతి సందర్భంలోనూ సంపన్న దేశాల్లో కంటే, పేద దేశాల్లో శ్రమ చౌక - ధాన్యం ధరా, ఇతర జీవితవసరాల ధరలూ మొదటి (సంపన్న) దేశాల్లో కంటే రెండో (పేద) దేశాల్లో సాధారణంగా తక్కువగా ఉన్నప్పటికీ...రోజుని బట్టి లెక్కిస్తే, ఇంగ్లండ్ లో కంటే స్కాట్ లాండ్ లో శ్రమ చౌక..శాల్తీని బట్టి చూస్తే ఇంగ్లండ్ లో చౌక. (James
Anderson, ―Observations on the Means of Exciting a Spirit of National
Industry,‖ &tc., Edin. 1777, pp. 350, 351)
ఇందుకు భిన్నంగా, వేతనాలు తక్కువగా ఉండడం అనేది తిరిగి శ్రమని ప్రియం చేస్తుంది.- ఇంగ్లండ్ లోకంటే శ్రమ ఐర్లండ్ లో ప్రియం. ఎందుకంటే, వేతనాలు అంత తక్కువ ఉంటాయి గనక (N. 2079 in
―Royal Commission on Railways, Minutes,‖ 1867.)
1833 లో J.W.కొవెల్ నూలు వర్తకాన్ని
శ్రద్ధగా పరిశోధించి
ఒక నిర్ధారణకొచ్చాడు:
ఇంగ్లండ్ వేతనాల్నీ
ఐరోపా ఖండ
వేతనాల్నీ పోల్చిచూస్తే, ఇంగ్లండ్
లో ఐరోపా ఖండంలో కంటే వేతనాలు పెట్టుబడిదారుడికి తక్కువ - శ్రామికుడికి ఎక్కువే అయినప్పటికీ.
(Ure,
op. cit., p. 314.)
అలెగ్జాండర్ రెడ్ గ్రేవ్ అనే ఫాక్టరీ ఇన్స్పెక్టర్ 1866 అక్టోబర్ 31 నివేదికలో ఈ క్రింది విషయాన్ని రుజువుచేశాడు:
తక్కువ వేతనాలు ఎక్కువ పనికాలం ఉన్నప్పటికీ ఐరోపా దేశాల శ్రమ, ఉత్పాదితంతో పోల్చిచూస్తే, ఇంగ్లిష్ శ్రమకంటే ప్రియం.ఓల్డెంబెర్గ్ లో ఒక నూలు మిల్లు ఇంగ్లిష్ మేనేజర్ ఇలా చెప్పాడు: అక్కడ పనికాలం ఉదయం 5.30 నుంచీ రాత్రి 8 గంటలదాకా.శనివారం కూడా అంతే. వాళ్ళు ఇంగ్లిష్ పర్యవేక్షకులకింద పనిచేసినప్పుడు ఇంగ్లిష్ వాళ్ళు 10 గంటల్లో ఉత్పత్తి చేసినంత చేసేవాళ్ళు కాదు. అయితే జర్మన్ పర్యవేక్షకుల కింద ఉన్నప్పుడు ఇంకా తక్కువ ఉత్పత్తి చేసేవాళ్ళు.వేతనాలు ఇంగ్లండ్ లోకంటే బాగా తక్కువ.ఎక్కువ సందర్భాల్లో 50 శాతమే, అంటే సగానికి సగమే.అయితే యంత్రాలతో కార్మికుల నిష్పత్తి ఎక్కువ.కొన్ని శాఖల్లో అది 5:3
రష్యా నూలు ఫాక్టరీల గురించి రెడ్ గ్రేవ్ పూర్తి వివరాలు ఇచ్చాదు. ఇటీవల వరకూ అక్కడ పనిచేసిన ఒక ఇంగ్లిష్ మేనేజర్ ఆసమాచారాన్ని ఆయనకు ఇచ్చాడు.రష్యా నేల అన్ని దురాగతాలకూ ఆలవాలం. ఇంగ్లిష్ ఫాక్టరీల ప్రారంభ కాలంలో జరిగిన ఘోరాలన్నీ పూర్తిస్థాయిలో తాండవమాడాయి.స్థానిక రష్యా పెట్టుబడిదారుడికి ఫాక్టరీ వ్యాపారం చేతకాదు.అందువల్ల మేనేజర్లు ఇంగ్లిష్ వాళ్ళు. రాత్రింబవళ్ళు అతి పని సాగించినా, కార్మికులకు సిగ్గుపడేతమత్ కీతా వేతనాలు ఇచ్చినా రష్యా మాన్యుఫాక్చర్ విదేశీ పోటీని నిషేధించడం ద్వారా మాత్రమే మనగలిగింది / బతికి బట్టగట్టగలిగింది
ఇందుకు రుజువుగ్గ మార్క్స్ రెడ్ గ్రేవ్ ఇచ్చిన పట్టికని ఇచ్చాడు.అందులో ఐరోపాదేశాల్లో ఒక్కొ ఫాక్టరీలో ఉన్న సగటు కదుళ్ళ సంఖ్యా, ఒక్కొక కార్మికుడు నిర్వహించె సగటు కదుళ్ళ సంఖ్యా ఉన్నాయి.
దేశం
|
ఒక ఫాక్టరీలో ఉన్న సగటు కదుర్ల సంఖ్య
|
ఇంగ్లండ్
|
12,600
|
ఫ్రాన్స్
|
1,500
|
ప్రష్యా
|
1,500
|
బెల్జియం
|
4,000
|
శాక్సనీ
|
4,500
|
ఆస్ట్రియా
|
7,000
|
స్విజర్లండ్
|
8,000
|
కదుళ్ళను బట్టి నియమితులైన కార్మికుల సగటు సంఖ్య
దేశం
|
ఒక కార్మికుడు పనిచేసే కదుళ్ళ సంఖ్య
|
ఫ్రాన్స్
|
14
|
రష్యా
|
28
|
ప్రష్యా
|
37
|
బవేరియా
|
46
|
ఆస్ట్రియా
|
49
|
బెల్జియం
|
50
|
శాక్సనీ
|
50
|
స్విజర్లండ్
|
55
|
జర్మనీ చిన్నరాజ్యాలు
|
55
|
గ్రేట్ బ్రిటన్
|
74
|
ఈ పోలిక బ్రిటన్ కి మరింత ప్రతికూలమమైనదే. కారణం, అక్కడ అనేక ఫాక్టరీలు పవర్ తో నడుస్తాయి. వాటిలో నెయ్యడమూ, వడకడమూ జమిలిగా జరుగుతాయి.(కాని పై పట్టికలో నేతగాళ్ళను తీసివెయ్యలేదు). పైగా ఇతరదేశాల ఫాక్టరీలు ప్రధానంగా నూలు వడికే ఫాక్టరీలు; వడికే ఫాక్టరీల్ని అటువంటి వాటితోనే పోల్చడానికి వీలుంటే, మాజిల్లాలో చాలా వడికే ఫాక్టరీల్లో ఒక కార్మికుడు ఇద్దరు సహాయకులతో 2,200 కదుర్లను నిర్వహిస్తాడు. 400 మైళ్ళ పొడవుండే, 220 పౌన్ల నూలు వడుకుతాడు.
తూర్పు ఐరోపాలో ఆసియాలో లాగే, ఇంగ్లిష్ కంపెనీలు రైల్వే నిర్మాణాన్ని చేపట్టాయి. అందుకు స్థానిక శ్రామికులతో పాటు ఇంగ్లిష్ కార్మికుల్నికూడా పెట్టుకున్నాయి.ఇది తెలిసిన సంగతే. ఆచరణలో అవసరంవల్ల, ఆవిధంగా వాళ్ళు శ్రమ తీవ్రతలో ఉన్న జాతీయ భేదాన్ని లెక్కలోకి తీసుకోవలసివచ్చింది.అయితే దానివల్ల వాళ్ళకి నష్టమేమీ రాలేదు. వాళ్ళ అనుభవం చెప్పేదేమంటే : వేతనాల స్థాయి సగటు శ్రమ తీవ్రతకి ఇంచుమించు అనుగుణంగా ఉన్నాగాని, సాపేక్ష శ్రమ ధర (అంటే,ఉత్పాదితంతో సంబంధంలో
శ్రమధర) సాధారణంగా విలోమదిశలో మారుతుంది.